سلام عليكم انا في عمري 20 عام… الحمد لله كلش مزيان لا في قرايتي لا معا العائلة …. مشكيلتي هيا اني متيقاش ف راس ا كنحتقر راسي بزف حيت مزويناش ف شكلي .كنبقى نقول حيت انا مزوناش مغادي يبغيني حتى واحد ا غنبقى وحدي وبصح انا درت عشرين عام ومَعمّر شِ واحد عَبرْني ولا بغَى يكمل حياتو معايا(معمر ش واحد لا خطبني ولا حتى حاول يهضر معايا على اساس الحلال ) معرفتش واش حيت مزويناش ولا حيت معقولا بزاف. الحمد لله دايرا الحجاب ومحتارم راسي … فشكلي ضعيف بزاف ومزوناش عيين ماندير باش نغلاضرو والو مكنديرش المكياج بزاف غِ قليل مرى مرى وجهي كيخياب غَ وحدو و بعد المرات مِنِ كنشوف ف المرايا كنكرك راسي والله.. مِنِ كنهدر مع صحابتي على زين وكنقول رانا مزوناش كيقولو ليا راك غِ متيحا بقيمة راسك وبلي رانا زوينا ولكن كُون كلامهم صحيح كُراه حتى انا بولادي دابا بحالهم….فزنقا كل لبنات كيسمعو كليمات زونين من عند دراري الا انا مكيعبرني حتى واحد بحالى تقول دري ل داز من حداهم . واخا هذا ماشي موشكيل المشكيل الكبير هوا كُلشِ صحابتي تزاوجو انا ماشِ حاسداهم غِ بغا نكون حتى انا بحاهم بغا غِ ولد آلناس لنكمل حياتي معاه ونولد معاه وليداتي … من كنفكر فالمستقبل و كيبان ليا راس غاد نبقى وحدي بَيْرا لا زواج لا وليدات عارفا بِلي هادشي لكنقول فيه غلط وبِلِ كلش بيد الله ولكن هاكا وليت كنفكر…المهم بغيت نعرف واش الزين ضروري والا مكنتش البنت زوينا مَ منْ حقهاش تزوج حتى هيا ؟؟؟؟؟؟ وسمحو ليا الا طولت عليكم
1 التعليقات:
لا أختي متقوليش هاكا شوفي راه كلشي فيد الله كيفما قلتي غير نتي مباغياش تخلي ديك الفكرة ديال ان الله هو ليبيدو كلشي في راسك شوفي داك ليخلق ديك البنت زوينة هو ليخلقك نتي الحكمة فيد الله هو بحدو ليعارف لحكمة ديال كل حاجة صنعها فينا تفكري كلامي الله مخبي ليك رزقك تندو الأرزاق بيد الله تيقي بيا واحد نهار غادديا تعيشي سعيدة في حياتك بفظل الله لبنات اه تزوجو قبل منك ولكن متقدريش تعرفي واش هوما مرتاحين في زواجهم ولا لا إلى كان داك زوج خداها على زينها راه واحد نهار غيمشي زين أغيتبعو حتى داك زوج ختي خلي إيمانك في الله قوي ربي كبيير كلشي فيدو هو الله إيسر لكل وحة في حياتها
إرسال تعليق