السلام عليكم اخواتي، نصحوني عفاكم .

السلام عليكم اخواتي، نصحوني عفاكم .
أنا سيدة عندي 30 سنة،متزوجة هادي 8 سنوات او عندي 3 أطفال،الحمدلله كنت عيشة مزيان مع راجلي و مشاكلنا عادية كيف الناس،مع أن راجلي معصب بزاف ولكن أنا كنتفادى نوصلو لداك الحالة.
المهم من نهار تزوجنا عمرني حصلت عليه شي خيانة، حتى لهاد العطلة ألي فاتت سافرت مع أولادي نزور دارنا، منين رجعت بصدفة وانا كنخمل دار لقيت فالمجر ديال راجلي
، ( بريزيرفاتيف)

دخت و دارت بي دنيا بغيت نحماق،بردت راسي حيت كيف قلتليكم راجلي مكينفعش معاه لغوات او كيقلب عليا دار بلا مناخد منو لا حق ولا باطل،منين جا سولتو بشوية فالاول تفاجأ و تلف و من بعد جاوبني بكل تقة “اه شريت شحال هادي لينا أنا وياك “. بطبيعة الحال أنا مدخليش لعقلي هاد لكلام حيت حنايا عمرنا مكنستعملو داكشي هادي 8 سنين ديال زواج، ولكن أنامزدتش معه لكلام باش ميقلبش علي تاني دار ؛ ولكن أنا والله مكنعس غادي نحماق نصحوني اش ندير وش نخليه منو لمولاه ولا نودها معاه أنا خايفة على وليداتي او على حياتنا زوجية. نصحوني عفاكم او سامحوني إلا طولت عليكم