عارف راسك مزوج لاش كتهضر معايا

السلام عليكم
انا محتاجة لنصيحتكم بزاف بلا مانطول عليكم غندخل ف الموضوع
انا عندي 23 سنة على علاقة مع واحد السيد تعرفت عليه في 2009 كان كيبان مرا مرا ويغبر المهم ف 2011 بدا كيهدر معيا بزاف نعاسو و كان كيسمح فيه و يهدر معايا وحتى ف الخدمة انا متعلقة بيه بزاف و كنبغيه لدرجة انني ماعرفاش الحياة بلا بيه و ما فدراش نبغي شي حد من غيرو وكان كيقول بلي كيبغيني بزافو بلي انا الروح ديالو
وللي كانقولها كيديرها وبلا ما يقولي لا
و المشكل هو لقيت عليه جوج كدبات الاولى كان كادب ف سميتو ولحد النهار عيطلو واحد صاحبو و منين قلتلو لمن كيعيط هدا قالي ليا و قالي انا ف الاول هدرت معاك على اساس واحد صاحبي كان كيقلب يتجوز و لكن ما كيعرفش يشاطي ومنين هدرت معاك عجبيتني بزاف وبقيت كنهدر معاك. سمحتلو ورجعت قلتلو ايلا مزال شي كدبة أخرى قولها محدي قادرا نسمحلك قالي لا ما كاين والو تاني كدبة هو مزوج و انا عاد عرفت تكون هادي شي 8شهور كنت محتاجة العنوان ديالو لخويا حيت هوا عايش بوحدو فالخارج وخويا مزال صغير وغايمشي لنفس لبلاصة فين كاين هوا ودوزتلو هدر معا بابا وصاه على خويا الا جا يتهلالو فيه لمهيم عطاني المعلومات ديالو و انا كنت ديك الساعة اول مرا نعرف كنيتو الحقيقية دخلتها ف الفيسبوك و لقيت واحد خوه حاط تصاورهم ديال العائلة و بانلي هوا و شدا فيه وحدا لمهيم مقدرتش نصبر عيطتلو و قلتو انت مزوج و مقيلهاليش قالي اه قالي راه شحال من مرا كنت كنبغي نقولهالك و ما كنقدرش وكنت كنتعدب قلتو انت عارف راسك مزوج لاش كتهضر معايا انا قالي راه بيناتنا شي مشاكيل حيت كنموت فيح سمحتلو تاني وخا ضلامت في عيني الدنيا ما كنب ناكلولانشرب شي سيمانا
والمشكلةدبا هو ماكيفكرش في الزواج بيا و في نفس الوقت ماباغيش يتفرق معايا انا صبرت لهادشي كله ومابغيت منه والو غير يبقى حدايا و ضحيت بكلشي على قبله شحال من واحد كان باغي يجي لدارنا ورفتهوم على قبلو
كان هادشي قبل منعرف الحقيقة ديالو صافي واحد نهار كنت هضرة معا واحد و قالي راكي عجبتيني و بغيتك لزواج منين قلتهالو ما بغاش دازت شي يمات و قالي الا بغيتي تزوجي نشوفلك واحد صاحبي قلتلو واخا صافي تعارفت مع صاحبو و جا المغرب ف الصيف و جا خطبني و كان حتى هداك حاضر ديك نهار حسيت بيه ما بغيش ديك الخطبة واخا هو اللي جابولي و حتى منين كنت كانهدر مع خطيبي كان كيكون هو مكونيكتي و ما كيعجبوش الحال حيت كنخليه ونهدر مع خطيبي لمهيم دازت ليام لقيت هادا اللي خطبني عقليتو ف شي شكل واخا هو ضريف ولكن شفت راسي ماقدراش نبغيه ولا نتفلا عليه حيت انا كنبغي لاخور و ماقدراش نبغي خطيبي صافي وانا نسالي معاه و لاخور فرح
رجعنا انا و لاخور كنهضرو كي كنا كنهضرو عادي
ولكن هو كيجيوه شي اوقات كيتبدل عليا بزاف منين كايكون فالمغرب و كيولي ينساني و ماكايعطينيش الوقت كيولي غير كيتهرب مني
من هادشي كامل انا رجعت اي واحد كنتعارف عليه ما كنقدرش نبغيه ولا نزيد معاه لقدام حيت ماشي غي كنبغيه راه كنموووت فيه واخا من بعد هاد الشي كولو اللي دار و المشكلة ما نقدرش ما نشوفوش حتى ولو ما بغيتش نشوفو كيجي يجلس مع بابا
ماعارفاش شنو ندير عافاكم قولو لي كيفاش نتصرف معاه راه هو الي عندي فالدنيا و هو اللي معمر عليا حياتي انا ديما غي بوحدي ماعندي لا صحابات لا والو دايراه هو صاحبتي و خويا وكلشي هو لمن كنعاود ومابغيتش نخسرو وخا شي مرات ما كنبقاش حملاه ولكن غي كنشوفو كنسى كولشي

سمحولي طولت عليكم ولكن راه قلبي عامر بزاف